Rasija zapuskaje ŭ Biełaruś kruhavyja turystyčnyja ciahniki
Adpravicca ŭ «Biełaruski vajaž» možna budzie 5 i 12 žniŭnia ź Biełaruskaha vakzała Maskvy. Dla turystaŭ buduć dastupnyja dva kruhavyja maršruty: Maskva — Brest — Minsk — Maskva i Maskva — Hrodna — Minsk — Maskva.
U abodvuch vypadkach pajezdka zojmie čatyry dni i try nočy — ciahnik budzie adpraŭlacca pa piatnicach ź Biełaruskaha vakzała Maskvy i viartacca ŭ stalicu Rasii ŭ paniadziełak, paviedamlaje Zerkalo.io.
Padarožža budzie prachodzić u farmacie «hatel na kołach»: nočču turysty buduć jechać na ciahniku pamiž haradami, a dniom zmohuć ahladać słavutaści.
Padčas pajezdki pa maršrucie Maskva — Brest — Minsk — Maskva turystam prapanujuć ahladnuju aŭtobusna-piešachodnuju ekskursiju pa Breście, naviedvańnie miemaryjalnaha kompleksu «Bresckaja krepaść-hieroj», pajezdku ŭ «Biełaviežskuju pušču» i zamkavy kompleks «Mir», a taksama šopinh i ekskursiju pa Minsku. Košt — ad 30880 rasijskich rubloŭ (ad 1840 biełaruskich).
U vypadku vybaru kruhavoha maršrutu praz Hrodna — ekskursija pa Hrodna, zamkavy kompleks «Mir», a taksama ekskursija šopinh i ekskursii pa Minsku. Košt — ad 27080 rasijskich rubloŭ (prykładna 1620 biełaruskich).
