U Homieli vynieśli prysud piensijanieru, jaki raskidvaŭ pa horadzie mietaličnyja «vožyki»
U Homieli sud prysudziŭ da dvuch hadoŭ kałonii piensijaniera, jaki, «kab adpomścić DAI», try hady raskidvaŭ na darohach samarobnyja «vožyki», piša «Homielskaja praŭda».
Padčas sudovaha pracesu abvinavačany raspavioŭ, što vyrablaŭ mietaličnyja kanstrukcyi na leciščy z dapamohaj zvaračnaha aparata. Farbavaŭ biełaj farbaj, kab źlivalisia sa śnieham. Vyrašyŭ tak rabić z-za pretenzij da DAI: z-za praterminavanych pravoŭ pryznačyli, na jaho dumku, zanadta vialiki štraf, a taksama nieadnarazova pryciahvali da adkaznaści za nieprachodžańnie techahladu.
Što tyčycca jašče adnaho epizodu, to, pa słovach piensijaniera, jon chacieŭ chutčej pazbavicca ad pakinutych «vožykaŭ» i vyrašyŭ raskidać ich niedaloka ad pieršaha haradskoha adździaleńnia AUS administracyi Savieckaha rajona Homiela. Jon nibyta nie viedaŭ, što ŭ tym ža budynku znachodzicca padstancyja chutkaj dapamohi.
— Treci epizod — heta čystaje hłupstva, duraść. U cełym, paskudnuju spravu ździejśniŭ. Niama słoŭ, jak raskajvajusia, pryznaju vinu całkam — skazaŭ hamialčuk na sudzie.
Raniej jon napisaŭ čystasardečnaje pryznańnie.
Mužčynu pryznali vinavatym i pryznačyli pakarańnie ŭ vyhladzie pazbaŭleńnia voli na dva hady ŭ kałonii ahulnaha režymu. Prysud u zakonnuju siłu nie ŭstupiŭ, moža być abskardžany i apratestavany.
