Minabarony Ukrainy: Zachad pastaviŭ tolki 10% patrabavanaj zbroi
Zachodnija partniory pastavili Ukrainie tolki kala 10% abiacanych uzbrajeńniaŭ, jakija Kijeŭ prasiŭ dla dasiahnieńnia z Maskvoj parytetu vajennych sił, paviedamiła namieśnik ministra abarony krainy Hanna Malar padčas televizijnaha marafonu.
«Kolki b namahańniaŭ ni prykładała Ukraina, jakoj by prafiesijnaj ni była naša armija, biez dapamohi partnioraŭ my nie zmožam vyjhrać hetuju vajnu […] Ad taho, što zajaŭlała Ukraina, z taho, što nam treba, my atrymali kala 10%», — zapeŭnivaje Malar.
Jana padkreśliła, što Zachad pavinien paskoryć akazańnie vajennaj dapamohi Ukrainie, pakolki kožny dzień pramarudžvańnia — heta «žyćci ŭkrainskich bajcoŭ, žyćci ŭkrainskich hramadzian, hramadzianskaha nasielnictva, heta razburanyja ŭkrainskija harady i, jak my ŭžo bačym, heta časova akupavanyja terytoryi».
Taksama Malar paviedamiła, što z kanca lutaha ŭ ukrainskuju armiju mabilizavanyja sotni tysiač čałaviek. Kankretnaj ličby jana nie nazvała.
