Prasoŭvać biełaruski kantent i vydalić prapahandu. Cichanoŭskaja i jaje kamanda sustrelisia z Meta, Microsoft i Google
Padčas vizitu ŭ Kapienhahien kamanda Śviatłany Cichanoŭskaj sustrełasia z pradstaŭnikami technałahičnych hihantaŭ.
Pavodle savietnika Cichanoŭskaj Franaka Viačorki, jany abmiarkoŭvali z pradstaŭnikami Google prablemy ź biełaruskaj movaj — naprykład, na YouTube biełaruskamoŭny rolik nielha pastavić na manietyzacyju ad rekłamy.
Viačorka kaža, što Google paabiacaŭ narešcie pačać pracu nad hetym.
Taksama išła havorka pra asobny siehmient dla Biełarusi ŭ miežach praduktaŭ Google, bo raniej naša kraina była pryviazanaja da Rasii. Kamanda Cichanoŭskaj miarkuje, što treba stvaryć asobny ofis pa Biełarusi.
Pradstaŭniki Cichanoŭskaj taksama razmaŭlali ab prasoŭvańni biełaruskaha niezaležnaha kantentu, pra sieminary pa ałharytmach prasoŭvańnia ŭ Fejsbuku i Instahramie, rekłamnaje kredytavańnie dla niezaležnych resursaŭ.
Z pradstaŭnikami Fejsbuka i Google abmiarkoŭvali taksama błakavańnie prapahandysckich rolikaŭ. Pradstaŭniki kampanij adkazali, što bolšaść rolikaŭ i akaŭntaŭ užo zabłakavali, ale hetaja praca budzie praciahnutaja.
