MZS Litvy paličyŭ pahrozaj zakonaprajekt ab admienie pryznańnia niezaležnaści
Litva surjozna ŭsprymaje zajavy Maskvy, tamu inicyjatyva ab adklikańni pryznańnia niezaležnaści była ŭspryniataja ŭ jakaści niepasrednaj pahrozy, zajaviŭ kiraŭnik MZS krainy. Deputat prapanavaŭ takim čynam asprečyć siabroŭstva Litvy ŭ NATA.
Vilnia ŭsprymaje ŭ jakaści surjoznaj pahrozy ŭniesieny ŭ Dziarždumu Rasii zakonaprajekt ab adklikańni pryznańnia Maskvoj niezaležnaści Litvy, zajaviŭ kiraŭnik MZS krainy Habryelus Łandśbierhis u intervju Foreign Policy.
«Ja b nazvaŭ heta pahrozaj, niepasrednaj pahrozaj Litvie, i my surjozna stavimsia da ŭsich hetych pahroz, navat kali čałaviek [jaki ŭnios zakonaprajekt] nie viadomy palityčnaj surjoznaściu ŭ rasijskich palityčnych kołach», — skazaŭ litoŭski ministr.
Łandśbierhis taksama nazvaŭ Rasiju «vielmi niebiaśpiečnym susiedam», patłumačyŭšy, što ŭ Vilni z hetaj pryčyny surjozna staviacca da ŭsiaho, što kažuć u Maskvie.
Havorka idzie pra zakonaprajekt, jaki ŭ nižniuju pałatu parłamienta ŭnios deputat ad «Adzinaj Rasii» Jaŭhien Fiodaraŭ.
Fiodaraŭ rastłumačyŭ, što skasavańnie pastanovy Dziaržsavieta SSSR dazvoliła b asprečyć siabroŭstva Litvy ŭ NATO, bo praviły aljansu nie praduhledžvajuć siabroŭstva sprečnych jurydyčnych subjektaŭ. Na jaho dumku, ułady respubliki «złoŭžyvajuć svaim statusam» i paharšajuć adnosiny z Rasijaj.
