Va Ukrainie zahinuŭ jašče adzin uradženiec Biełarusi, jaki vajavaŭ na baku Maskvy
U Vajskovaj akademii pavietrana-kaśmičnaj abarony imia Žukava ŭ Ćviary 11 červienia prajšło raźvitańnie sa staršym lejtenantam Uzbrojenych siłaŭ Rasii Andrejem Babko, paviedamlaje Radyjo Svaboda. Jamu było 35 hadoŭ.
Andrej Babko naradziŭsia ŭ Biełarusi. Jak stała viadoma Svabodzie, u jaho zastalisia svajaki ŭ Marjinaj Horcy i Mahilovie. Ź Biełarusi rodam jahonaja maci.
Baćka zahinułaha, Alaksandr Babko, słužyŭ u marjinahorskim śpiecnazie i zahinuŭ 24 studzienia 1995 hoda ŭ Hroznym u pieršuju čačenskuju vajnu. Jahony syn Andrej vučyŭsia ŭ škole ŭ Ćviary ŭ Rasii, tam ža skončyŭ suvoraŭskuju vučelniu. Piać hadoŭ prasłužyŭ na rasijskaj vajskovaj bazie ŭ Tadžykistanie.
Va Ukrainie Babko byŭ u składzie tankavaha raźviedvalnaha bataljona. Apošni raz dastupny anłajn jon byŭ 14 traŭnia, akurat u svoj dzień naradžeńnia. U Andreja Babko zastałasia žonka i 7-hadovy syn.
Raniej paviedamlałasia pra hibiel va Ukrainie jašče piaci vajskoŭcaŭ, što byli źviazanyja ź Biełaruśsiu i vajavali na baku Rasii: Piatra Łuzanava, Paŭła Jaŭhleŭskaha, Illi Kurnalova, Uładzisłava Čarnova i Mikałaja Markava.
Čytajcie taksama:
Što viadoma pra biełarusaŭ, jakija vajujuć va Ukrainie na baku Rasii
