Amierykanski brokier Interactive Brokers zabaraniŭ biełarusam kuplać akcyi kampanij ź ES
Hramadzianie Rasii i Biełarusi nie zmohuć kuplać akcyi kampanij ź Jeŭrasajuza praz amierykanskaha brokiera Interactive Brokers, paviedamlaje Frank Media sa spasyłkaj na list brokiera. Abmiežavańni ŭstupajuć u siłu viečaram 13 červienia.
«U metach vykanańnia hetych sankcyj klijenty Interactive Brokers, jakija źjaŭlajucca hramadzianami ci žyvuć u Rasii i Biełarusi, a taksama rasijskija i biełaruskija jurydyčnyja asoby ciapier nie zmohuć adkryvać novyja pazicyi (doŭhija abo karotkija) z kaštoŭnymi papierami JEZ. Akramia taho, zabaronienyja ŭvachodnyja i vychodnyja pierakłady», — cytuje vydańnie list.
Interactive Brokers tłumačyć svajo rašeńnie sankcyjami, jakija dziejničajuć u dačynieńni da Rasii i Biełarusi z boku krain ES, ZŠA i Vialikabrytanii z-za ŭvarvańnia Rasii va Ukrainu.