Za minułyja vychadnyja ŭ Biełarusi ŭtapilisia 16 čałaviek
Narešcie ŭ Biełaruś pryjšli ciopłyja i navat haračyja dni, i ludzi, jak zaŭsiody ŭ takich vypadkach byvaje, paciahnulisia da vady. Pry hetym zabyvajučysia, što vadajomy tojać u sabie nie tolki pryjemnaść, ale i niebiaśpieku. Śledčy kamitet paviedamiŭ, što za subotu i niadzielu ŭ Biełarusi na vadzie zahinuli 16 čałaviek, siarod jakich adzin niepaŭnaletni.
Fota: Śledčy kamitet
Hałoŭnyja pryčyny hibieli ludziej: ihnaravańnie pravił biaśpiečnych pavodzin, u bolšaści vypadkaŭ padmacavanaje ŭžyvańniem ałkaholu, adsutnaść kantrolu z boku baćkoŭ za dziećmi, kupańnie ŭ zabaronienych miescach.
Tak, 11 červienia 46-hadovy žychar Stolinskaha rajona razam sa svaim znajomym padčas rybałki ŭžyvali ałkahol. Paśla mužčyny vyrašyli vykupacca ŭ sažałcy pablizu vioski Vierchni Cierabiažoŭ. Padčas kupańnia adzin ź ich staŭ tapicca, a siabar jahony dapamahčy jamu nie zmoh, ratavalniki dastali tolki ŭžo miortvaje cieła.
16-hadovy padletak u kampanii svaich adnakłaśnikaŭ adpačyvaŭ na bierazie karjernaha vadajoma ŭ Oršy. Jany pajšli płavać na nadzimanym matracy, a praź niekatory čas školnik niedzie prapaŭ. Pavodle papiarednich źviestak, padletak nie ŭmieŭ płavać, a ŭ vadu pajšoŭ za kampaniju ź siabrami.
