U Minsku prachodzić pieršy «Pivonievy fest» FOTY
U Minsku 11 červienia adkryłasia pieršaja respublikanskaja vystava pivoń. Na joj možna ŭbačyć bolš za sto hatunkaŭ hetych kvietak, piša ahienctva «Minsk-Naviny».
Takaja vystava ŭ krainie prachodzić upieršyniu.
— Kožny dzień pracy fiestyvalu my dadajom novyja hatunki pa miery ich ćvicieńnia. U załach padtrymlivajecca kamfortnaja dla kvietak tempieratura — 16-17°S, — raspaviadaje kaardynatar vystavy Viktoryja Kukišava.
Akramia kvietak, u vystavačnych załach pradstaŭlenyja raboty biełaruskich mastakoŭ.
— U Minsku jość supolnaść amataraŭ pivoń, dzie ludzi abmieńvajucca vopytam, dzielacca svaimi dasiahnieńniami. Pakolki kantakty adbyvajucca tolki ŭ internecie, i fota nie pieradajuć paŭnatu pryhažości kvietak, vyrašyli abjadnacca i pravieści takuju vystavu. Paśla ŭžo vyrašyli dapoŭnić pivoni mastactvam — atrymaŭsia voś taki prajekt, — raspaviali ŭ halerei.
«Pivonievy fest» u Minsku doŭžycca ŭsiaho tydzień. Naviedać vystavu ŭ Mastackaj halerei «Arciel» možna da 19 červienia z 12:00 da 20:00.
