Pucin zvolniŭ Pakłonskuju z pasady namieśnicy kiraŭnika Rassupracoŭnictva
Siońnia prezident Rasii Uładzimir Pucin padpisaŭ ukaz ab zvalnieńni Natalli Pakłonskaj z pasady namieśnicy kiraŭnika Rassupracoŭnictva.
Pakłonskaja paviedamiła, što ŭkaz ab jaje adstaŭcy byŭ padpisany ŭ suviazi ź jaje pierachodam na inšuju pracu.
Byłaja prakurorka Kryma i deputat Dziarždumy ad «Adzinaj Rasii» paśla pačatku vajny vykazałasia, što litara Z źjaŭlajecca simvałam «trahiedyi i hora».
«Hetaja litara Z simvalizuje trahiedyju i hora jak dla Rasii, tak i dla Ukrainy. Čamu? Dy tamu što hinuć i ruskija sałdaty, rasijanie, i baćki atrymlivajuć roznyja viestki. Heta — biada. Bo ministerstva abarony havoryć, stolki zahinuła, stolki paranienych. Niaŭžo heta radaść? Nie», — skazała jana.
Taksama Pakłonskaja nazvała ŭvarvańnie va Ukrainu «katastrofaj» i ŭdzielničała ŭ pieradačy rasijskaj humanitarnaj dapamohi žycharam zachoplenych rehijonaŭ.
