U pravasłaŭnych siońnia — dzień Śviatoj Trojcy
Pravasłaŭnyja vierniki Biełarusi ŭ niadzielu, 12 červienia, adznačajuć vialikaje śviata — Trojcu. Dzień Śviatoj Trojcy śviatkujecca na piacidziesiaty dzień paśla Uvaskresieńnia Chrystova, paśla Vialikadnia. Inšaja nazva śviata — Piacidziasiatnica, narodnaja nazva — Siomucha.
Fota ilustracyjnaje
Śviata Śviatoj Trojcy pačali adznačać u kancy IV stahodździa, paśla taho, jak u 381 hodzie na Suśvietnym sabory ŭ Kanstancinopali byŭ aficyjna pryniaty dohmat ab Trojcy — Bohu ŭ troch abliččach.
Na Trojcu ŭ pravasłaŭnych chramach biełyja ŭbory duchavienstva, u jakich słužyli sa śviata Uźniasieńnia Haspodniaha, mianiajuć na zialonyja. Zialony koler u pravasłaŭi — simvał Śviatoha Ducha.
Pavodle padańnia, napoŭniŭšysia Śviatym Ducham, Piotr i inšyja apostały pačali słavić Boha na roznych movach, jakich raniej nie viedali. Heta tak uraziła ludziej, jakija znachodzilisia vakoł, što mnohija pavieryli ŭ Isusa Chrysta i ŭ toj ža dzień sotni ludziej pryniali Śviatoje Chryščeńnie. Z taho momantu kolkaść chryścijan pavialičvałasia z kožnym dniom.