Jeŭrakamisija budzie rekamiendavać nadać Ukrainie status kandydata na siabroŭstva ŭ ES
Jeŭrakamisija hatovaja dać rekamiendacyi krainam ES i zaviaršyć acenku adnosna statusu Ukrainy jak kandydata na siabroŭstva. Pra heta zajaviła kiraŭnik Jeŭrakamisii Ursuła fon der Lajen, jakaja pryjechała siońnia ŭ Kijeŭ.
Pavodle Bloomberg, užo na nastupnym tydni Jeŭrakamisija parekamienduje dać Ukrainie status kandydata na ŭstupleńnie ŭ ES.
«My vielmi vysoka cenim tyja namahańni, jakija prykładaje Ukraina i tuju rašučaść, ź jakoj Ukraina ruchajecca», ‒ skazała Ursuła fon der Lajen.
Ale Kijevu vysunuć umovy, źviazanyja ź viaršenstvam zakona i antykarupcyjnym zakanadaŭstvam.
«Vy šmat zrabili dla zabieśpiačeńnia viaršenstva prava, nieabchodna taksama jašče dadatkova ŭzmacnić zakanadaŭstva, jakoje tyčycca baraćby z karupcyjaj i zabiaśpiečyć jašče lepšaje funkcyjanavańnie administracyi, kab stvaryć patrebnyja ŭmovy dla baraćby z karupcyjaj, zabieśpiačeńnia naležnaj pracy biznesu. I heta ŭsio dobryja vyniki, jakija nieabchodna ŭzmacnić», ‒ zajaviła kiraŭnik JEK.
Niekatoryja krainy-členy ES suprać pradastaŭleńnia Ukrainie hetaha statusu, pryčym siarod ich nazyvalisia i krainy, horača i aktyŭna dapamahajuć Ukrainie ŭ jaje supraćstajańni rasijskaj ahresii. Bloomberg pisaŭ, što Hiermanija schilajecca da taho, kab dać umoŭny status kandydata.
