Rasijski łaŭkostar «Pobieda» pačaŭ lotać ź Minska ŭ Sankt-Pieciarburh
Adkrylisia rehularnyja rejsy rasijskaj avijakampanii łaŭkost-siehmienta «Pobieda» pamiž Minskam i Sankt-Pieciarburham, paviedamlaje pres-słužba Ministerstva transpartu. Raniej avijakampaniju na biełaruski rynak nie puskali.
Zdymak ilustracyjny. Fota: TASS
«Pobieda» budzie lotać u Minsk ź pieciarburhskaha aeraporta «Pułkava» trojčy na tydzień: pa sieradach, piatnicach i niadzielach. Čas u darozie składaje paŭtary hadziny. Vylet z Pułkava — u 12.40, prylot u Minsk — u 14.10.
Zvarotny rejs vylataje ŭ 14.50 i sadzicca ŭ Sankt-Pieciarburhu, zhodna z raskładam, u 16.20. Košt kvitkoŭ tudy-nazad na hety momant składaje 5890 rasijskich rubloŭ (kala 250 biełaruskich), taryf nie praduhledžvaje bahažu i mahčymaści vybaru miesca.
Siońniašni pieršy rejs, dziela jakoha ŭ aeraporcie sabrali presu, prybyŭ z Pułkava ŭ Nacyjanalny aeraport Minsk sa spaźnieńniem na paŭhadziny, paviedamlaje Zerkalo.io.
