Znajści
Ałharytmičny łacinski varyjant
07.06.2022 / 15:45RusŁacBieł

Biełarus, jakoha abvinavacili ŭ zabojstvach u Bučy, raskazaŭ, što było paśla

U krasaviku telehram-kanał «Biełaruski Hajun» apublikavaŭ niekalki videa z adździaleńniaŭ słužby dastaŭki SDEK u Mazyry, na jakich vidać, jak rasijskija vajskoŭcy adpraŭlajuć vielizarnyja pasyłki ŭ Rasiju. Na videa trapiŭ i 35-hadovy Siarhiej Kałacej — jon adpraŭlaŭ va Uljanaŭsk kryšku bahažnika (na kadrach jon byŭ u cyvilnaj vopratcy). Nieŭzabavie paśla hetaha Hienprakuratura Ukrainy abvinavaciła Kałaceja ŭ zabojstvie mirnych žycharoŭ Bučy — i nazvała kamandziram padraździaleńnia Rashvardyi z Uljanaŭskaj vobłaści. Sam Kałacej adchilaje ŭsie abvinavačańni i kaža, što nijak nie źviazany z vajennymi abo siłavymi strukturami. Za miesiac Hienprakuratura Ukrainy tak i nie pryviała kankretnych dokazaŭ jaho viny — pry hetym u viedamstvie padkreślili, što «jość padstavy ličyć, što jon zabiŭ čaćviarych čałaviek i katavaŭ jak minimum adnaho čałavieka». Siarhiej Kałacej raspavioŭ «Mieduzie» pra toje, jak za hety miesiac źmianiłasia jaho žyćcio.

Siarhiej Kałacej razam z rasijskimi sałdatami padčas adsyłki pasyłki ŭ punkcie słužby dastaŭki ŭ Mazyry

«Ja ŭsio žyćcio pražyŭ u horadzie Mazyr. Z 2011 hoda pracuju inžynieram pa techničnym nahladzie za budaŭnictvam na Mazyrskim naftapierapracoŭčym zavodzie.

Ja nikoli nie mieŭ nijakaha dačynieńnia da siłavych struktur ni ŭ Biełarusi, ni tym bolš u Rasii. Ja navat nikoli nie słužyŭ u vojsku — pakolki byŭ niepryhodny z-za spartyŭnaj traŭmy, jakuju atrymaŭ na zaniatkach adzinaborstvami vielmi daŭno. Pry prachodžańni miedycynskaj kamisii ŭ vajenkamacie mianie kamisavali z-za razryvu mieniskaŭ.

Ale daviedku ab niepryhodnaści mnie nie dali, bo kožnyja paŭhoda treba prachodzić paŭtornuju kamisiju: kali niedziejazdolnaść paćviardžajecca abo traŭma turbuje, to adterminoŭka praciahvajecca. U vajennym bilecie ŭ mianie napisana «nie słužyŭ».

U Rasii ja byŭ, ale daŭno — jeździŭ tudy na spabornictvy pa rukapašnym boi. Va Ukrainie apošni raz byŭ u 2019 hodzie — adpačyvaŭ razam ź siamjoj u Žaleznym Porcie (siało na bierazie Čornaha mora ŭ Chiersonskaj vobłaści) i Adesie. Da hetaha my šmat razoŭ jeździli ŭ Kijeŭ — hulali, adpačyvali. Horad zaŭsiody pakidaŭ dobryja ŭražańni. Nam z Mazyra da Kijeva bližej, čym da Minska.

U pamiaškańni SDEK u Mazyry ja apynuŭsia 2 krasavika. U mianie byŭ vychadny, ja pajechaŭ adpravić pakupniku z Uljanaŭska bituju kryšku bahažnika ad svajho aŭtamabila, jakuju jašče ŭ sakaviku vystaviŭ na prodaž.

U adździaleńni SDEK było šmat rasijskich sałdat, jakija adpraŭlali mnostva rečaŭ. Usie jany byli zapakavanyja — ja nie razhladaŭ, što tam unutry. Mnie chaciełasia jak maha chutčej adpravić svaju kryšku bahažnika i źjechać, bo ja śpiašaŭsia. Prysutnaść [rasijskich] vajskoŭcaŭ [u SDEK] mianie nie źbiantežyła — ich šmat u našym horadzie ŭžo ciaham niekalkich miesiacaŭ.

Pra toje, što mianie abvinavacili ŭ zabojstvach i katavańniach u Bučy, ja daviedaŭsia 2 maja ad svaich siabroŭ. Jany skinuli mnie videarolik z ukrainskim žurnalistam Dźmitryjem Raplenčukom — u im jon abvinavaciŭ mianie ŭ tym, čaho ja nie ździajśniaŭ. Zatym siabry skinuli mnie spasyłku na telehram-kanał Hienprakuratury Ukrainy, dzie było apublikavanaje majo fota i zajava ab majoj datyčnaści da zabojstvaŭ čatyroch žycharoŭ Bučy. Hienprakuror Ukrainy Iryna Vieniadziktava ŭ svaim Fejsbuku nazvała majo imia, zajaviła, što ja kamandzir padraździaleńnia Nachvardyi RF i abvinavaciła ŭ zabojstvie mirnych žycharoŭ.

Kali ščyra, ja byŭ u šoku. Ja nie razumieŭ, čamu jany zrabili takuju zajavu! Ja nie mahu navat vykazać zdahadku, adkul Hienprakuratura ŭziała hetyja źviestki.

Mnie i majoj žoncy stali sypacca sotni paviedamleńniaŭ u sacyjalnych sietkach ad nieznajomych mnie ludziej — z pahrozami raspravy. Na praciahu dvuch tydniaŭ štodnia prychodzili dziasiatki paviedamleńniaŭ. Telefanavali sa schavanych numaroŭ. Chtości ŭzłamaŭ maju staronku va «UKantakcie», usie maje foty razyšlisia pa siecivie razam z fotazdymkami z adździaleńnia SDEK. Fota supravadžali kamientaryi, što ja — niejki kamandzir Rashvardyi. Ale ŭsio heta — vydumka. Ja nie viedaju, čamu mianie pryniali za rasijskaha vajskoŭca.

Nichto z pradstaŭnikoŭ siłavych struktur Ukrainy [dahetul] nie źviazvaŭsia sa mnoj.

Na vialiki žal, ja nie vałodaju nijakaj infarmacyjaj pra chod rasśledavańnia [suprać mianie]. Ja datelefanavaŭsia pa adnym z numaroŭ Bučanskaj prakuratury. Słuchaŭku źniała dziaŭčyna — ja pradstaviŭsia i spytaŭ, z kim možna pahutaryć nakont vystaŭlenych suprać mianie padazreńniaŭ. Taksama ja paviedamiŭ joj, što ŭ mianie jość dokazy majoj niedatyčnaści da taho, što adbyłosia — i što ja ŭvieś hety čas [vajny] znachodziŭsia ŭ Mazyry, u Biełarusi.

Dziaŭčyna skazała, što treba vysłać paćvierdžańni majoj niedatyčnaści na elektronnuju poštu, ukazanuju na aficyjnym sajcie ŭkrainskaj Hienprakuratury. Ja nie zmoh adpravić paćvierdžańni, pakolki sajt vydavaŭ pamyłku. Bolš u mianie nie atrymałasia daviedacca nijakaj infarmacyi.

Tady ja sam źviarnuŭsia ŭ biełaruskuju prakuraturu z zajavaj ab paklopie na moj adras i tych, chto pahražaŭ majoj siamji. Mnie paviedamili, što zaviedzienaja kryminalnaja sprava [nakont abvinavačańniaŭ z boku Hienprakuratury Ukrainy]. Ciapier pravodzicca pravierka — i, nakolki mnie viadoma, paćviardžajecca maja niedatyčnaść da jakich-niebudź złačynstvaŭ va Ukrainie.

Ja spadziavajusia, što pravaachoŭnyja orhany Ukrainy źviažucca z orhanami Biełarusi, kab atrymać nieabchodnuju infarmacyju. Spadziavajusia na razvažlivaść i prafiesijanalizm pradstaŭnikoŭ pravaachoŭnych orhanaŭ Ukrainy. Na toje, što jany bolš detalova vyvučać usie fakty i źnimuć svaje padazreńni.

Składana apisać, što daviałosia pieražyć maim rodnym. Psichałahična ciažka, kali idzie taki presinh. Niemahčyma zrazumieć, čaho čakać, jak buduć dalej raźvivacca padziei i jak dziejničać u takoj situacyi. Nie kožny dzień mianie abvinavačvajuć u vajennym złačynstvie. Naturalna, z majho atačeńnia nichto nie pavieryŭ u hetyja abvinavačvańni: kalehi i siabry ŭsialak mianie padtrymlivajuć. Ludzi na vulicy časam paznajuć, padychodziać, cikaviacca, jak spravy, i vykazvajuć padtrymku.

Majo asabistaje staŭleńnie da vajny — žudasnaje. Ja zaŭsiody byŭ suprać luboj vajny, jakoj by jana ni była. Bo hinie šmat ludziej — dzieci, žančyny, staryja. Rujnujucca harady i damy, jakija hadami budavali. Ja suprać!»

Čytajcie taksama:

Pieršy abvinavačany ŭ zabojstvach u Bučy biełarus? Moža być pamyłka: hety čałaviek dvojčy sudzimy

Siarhiej Kałacej, abvinavačany ŭ złačynstvach u Bučy, patłumačyŭ situacyju ŭ Instagram

«Dokazaŭ dastatkova». Ukrainskaja prakuratura pra datyčnaść žychara Mazyra da zabojstvaŭ u Bučy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031