Pamior suzasnavalnik rok-hurta Bon Jovi Alek Džon Sač
U aficyjnym Tvitary rok-hurta Bon Jovi źjaviłasia paviedamleńnie pra śmierć bas-hitarysta i suzasnavalnika hetaha hurta Aleka Džona Sača. Jamu było 70 hadoŭ. Pryčyna śmierci muzyki pakul nie nazyvajecca.
Fota: CNN
«Alek byŭ nieadjemnaj častkaj pry stvareńni hurta. Ščyra kažučy, my znajšli darohu adzin da adnaho praź jaho — jon byŭ siabram dziacinstva Cika i zaprasiŭ Ryčy na vystup. Alek zaŭsiody byŭ dzikim i poŭnym žyćcia. Siońnia hetyja asablivyja ŭspaminy vyklikajuć u nas uśmiešku i ślozy», — pišuć kalehi niabožčyka.
Sač naradziŭsia ŭ štacie Ńju-Jork 14 listapada 1951 hoda. Razam ź inšymi muzykami jon zasnavaŭ Bon Jovi ŭ štacie Ńju-Džersi ŭ 1983 hodzie. U 1994 hodzie, praz 11 hadoŭ, jon pakinuŭ hurt, ale ŭ 2018-m znoŭ vystupiŭ ź im na mierapryjemstvie z nahody ŭklučeńnia ŭ Zału słavy rok-n-rołu ŭ amierykanskim Kliŭlendzie ŭ štacie Ahajo.
Aproč ihry na bas-hitary, Sač śpiavaŭ vakalnyja partyi, a padčas kancertaŭ vykonvaŭ pieśniu «Blood on Blood».
Treci albom hurta Slippery When We staŭ suśvietnym chitom i razyšoŭsia nakładam u 12 młn asobnikaŭ.
Hrupa Bon Jovi atrymała nazvu ŭ honar svajho lidara i vakalista Džona Bon Džovi. Kalektyŭ vypuściŭ 15 studyjnych albomaŭ, apošni ź ich ubačyŭ śviet u 2020 hodzie.
