Akazvajecca, my ŭsio žyćcio niapravilna myli bializnu. Voś, jak heta rabić najbolš efiektyŭna
Zusim nie zaŭsiody adzieńnie paśla pralnaj mašyny vyhladaje i pachnie tak, jak abiacaje rekłama pralnaha parašku. Ale jość sposab, jak na sapraŭdy dabicca i idealnaj čyścini adzieńnia, i dobraha pachu ad jaho na doŭhi čas.
Fota: pixabay.com
Aŭstralijka Karalina Makoli apublikavała ŭ Tyktoku videa taho, jak jana myje adzieńnie, i rolik atrymaŭ niečakanuju papularnaść. Jaho pahladzieła kala 40 tysiač čałaviek, pad videa źjaviłasia bolš za 1300 łajkaŭ.
Błohierka padzialiłasia niekalkimi sakretami, jakija robiać myćcio adzieńnia našmat bolš efiektyŭnym.
Pierš za ŭsio, Karalina vykarystoŭvaje śpiecyjalnyja šaryki dla pralnaj mašyny, jakija kładuć razam z brudnym adzieńniem. Paśla myćcia razam z takimi šarykami rečy mienš mnucca i lepiej zachoŭvajuć formu.
U dadatak aŭstralijka nanosić na hetyja šaryki niekalki kroplaŭ efirnaha aleju. Heta nadaje adzieńniu cudoŭny pach, jaki trymajecca daŭžej, čym paśla vykarystańnia zvyčajnaha kandycyjanieru dla bializny. Kali ŭ vas niama šarykaŭ dla pralnaj mašyny, vy možacie ŭziać zvyčajnyja tenisnyja miačyki i nanieści alej na ich.
Pierad tym, jak kłaści ŭ mašynu duža brudnaje adzieńnie, Karalina zamočvaje jaho ŭ vadzie ź plamavyvodnikam i prykładvaje da plamy papiarovy ručnik.
Paśla taho, jak myćcio skončanaje, i čystaje adzieńnie dastali z mašyny, žančyna pakidaje jaje adčynienaj i vyciahvaje kantejnier dla myjnych srodkaŭ. Takim čynam jana pieraduchilaje źjaŭleńnie ćvili i niepryjemnych pachaŭ.
I jašče adna parada: čystaje adzieńnie lepiej adrazu akuratna składvać, kab nie pryjšłosia razhładžvać składki. I navat kali jany źjaviacca, ad takich składak budzie pazbavicca lahčej, čym kali vy pakładziacie ŭ šafu drenna składzienaje adzieńnie.
Što tańniej — prymać vannu ci duš? I jašče piać karysnych faktaŭ pra ekanomiju na kamunałcy
