Ukrainskaja čyhunka: Na terytoryi vahonaramontnaha zavoda vajennaj techniki nie było
Na terytoryi Darnickaha vahonaramontnaha zavoda ŭ Kijevie, jaki siońnia abstralali čatyrma rakietami, nijakaj vajennaj techniki niama. Pra heta zajaviŭ kiraŭnik Ukrainskaj čyhunki Alaksandr Kamyšyn.
«Hety zavod ramantavaŭ paŭvahony i zbožžavozy, jakija vykarystoŭvajucca dla vyvazu ekspartnaj pradukcyi. Ja aficyjna zaprašaju i ŭkrainskich, i zamiežnych žurnalistaŭ naviedać siońnia DVRZ. My paćvierdzim, što Rasija čarhovy raz schłusiła. I što ich sapraŭdnaja meta — ekanomika i mirnaje nasielnictva. Jany chočuć pierakryć nam mahčymaść ekspartavać ukrainskuju pradukcyju na zachad», — skazaŭ jon.
Siońnia ranicaj byŭ naniesieny rakietny ŭdar pa Kijevie. Minabarony Rasii patłumačyła heta tym, što cellu ŭdaru była ŭkrainskaja braniatechnika, raźmieščanaja «ŭ karpusach vahonaramontnaha pradpryjemstva» na ŭskrainie Kijeva.
«VKS Rasii vysokadakładnymi rakietami pavietranaha bazavańnia vialikaj dalokaści na ŭskrainie Kijeva źniščyła pastaŭlenyja ŭschodniejeŭrapiejskimi krainami tanki T-72 i inšuju braniatechniku», — zajaviŭ aficyjny pradstaŭnik Minabarony Rasii Ihar Kanašenkaŭ.
