Jeŭrasajuz pačaŭ pracavać nad siomym pakietam sankcyj suprać Rasii
Pra pačatak pracy nad novym sankcyjnym pakietam u intervju vydańniu PAP zajaviŭ namieśnik ministra zamiežnych spraŭ Polščy Pavieł Jabłonski.
Pavieł Jabłonski. Fota: PAP/Mateusz Marek
Šosty pakiet sankcyj, pryniaty dniami, Jabłonski ličyć niedaskanałym, ale vialikim krokam napierad. I nahadvaje, što akurat Polšča z samaha pačatku vystupała za naftavaje embarha. I što tady šmat ludziej kazała, što heta niemahčyma i pazbaŭlena šancaŭ na pryniaćcie.
«Sankcyi pavinny być jašče bolš žorstkimi — u kantekście taho hazu, jaki Rasija moža pradać, u kantekście adklučeńnia ŭsich rasijskich bankaŭ ad sistemy SWIFT. Ja kažu ŭ asnoŭnym pra Hazprambank», — zajaviŭ Pavieł Jabłonski.
Na jahonuju dumku, taksama treba kanfiskoŭvać rasijskija aktyvy ŭ ES, a nie prosta zamarozić ich. «Raboty pa hetym pytańni ŭžo viaducca», — zajaviŭ Jabłonski.
Jon taksama prakamientavaŭ błakavańnie Vienhryjaj naftavych sankcyj ES suprać Rasii. «My akazvajem vielmi mocny palityčny i dypłamatyčny cisk na Vienhryju, a taksama naŭprost źviartajemsia da hramadskaści», — skazaŭ Jabłonski.
