Jak pierad uvarvańniem va Ukrainu, u Biełaruś znoŭ viazuć rasijskuju techniku
Pradpryjemstva «Urałtransmaš», jakoje ŭvachodzić u skład kancerna «Urałvahonzavod», 2 červienia adpraviła ŭ Biełaruś ešałon samachodnych haŭbic 2S3M «Akacyja», paviedamlaje pres-słužba arhanizacyi.
Fota: Minabarony Rasii
U mašynach udaskanalenyja srodki suviazi, pavyšanaja chutkastrelnaść i pavialičany bojekamplekt, a taksama praviedzienyja pracy pa poŭnym impartazamiaščeńni», — havorycca ŭ paviedamleńni.
Samachodka 2S3M «Akacyja» ŭzbrojenaja 152-milimietrovaj harmataj i pryznačanaja dla kontrbatarejnaj baraćby, źniščeńnia braniatechniki, padaŭleńnia tyłoŭ i razbureńnia abarončych zbudavańniaŭ i kamunikacyj praciŭnika. Pa roznych źviestkach, u biełaruskaj armii majecca bolš za sotniu «Akacyj», paviedamlaje Zerkalo.io.
U žniŭni 2021 hoda paviedamlałasia, što ŭ ramkach kantraktu 2020-2021 hoda zavieršanyja pastaŭki madernizavanych samachodnych haŭbic 2S3M «Akacyja» z Rasii — usie mašyny byli pieradadzienyja ŭ termin. U «Rastechu» paviedamlali, što madernizacyja samachodnych haŭbic budzie doŭžycca da 2022 hoda.
