Biełaruskaja pieramožca «Bitvy ekstrasensaŭ» pamierła maładoj
Alena Jasievič atrymała pieramohu ŭ šou u 2011 hodzie.
Uradženka Vaŭkavyska i pieramožca 12 siezona papularnaha teleprajekta «Bitva ekstrasensaŭ» 42-hadovaja Alena Jasievič pamierła. Dakładnaja pryčyna śmierci nie paviedamlajecca. Viadoma tolki, što zorka mistyčnaha šou pakutavała na ciažkuju chvarobu, paviedamlaje belarus.kp.ru.
Zerkalo.io piša, što Alena pamierła ŭ Sankt-Pieciarburhu.
Jaskievič pamierła nie prychodziačy ŭ prytomnaść u balnicy Sankt-Pieciarburha ŭ vyniku praciahłaj chvaroby.
«Lena pieraniesła dva karanavirusy, pryčym z roźnicaj u karotki pieryjad, mabyć, roznyja tytry byli. Jana taki čałaviek — zaŭsiody ličyć, što sama ŭsio zmoža, usio pieraadoleje, daktary joj nie patrebnyja. U nas heta zaŭsiody było vialikaj temaj dla sprečak, choć ja i sama nie amatar chadzić pa daktarach. Ale, kali bačyš, što čałavieku nieabchodna … « — raspaviała blizkaja siabroŭka biełaruski Alena Zakamskaja.
Pa słovach siabroŭki, zatym pajšło ŭskładnieńnie na piečań, vyklikali chutkuju. Zatym vypadak paŭtaryŭsia. «Z-za vostraj bolu ŭ hety momant admaŭlajuć nohi. Dziakuj Bohu, ź joj pobač byŭ naš pryjaciel — advioz jaje ŭ balnicu ŭžo ŭ nieśviadomym stanie, potym i nyrki admovili. Atrymlivajecca, u paniadziełak jaje špitalizavali, a ŭ aŭtorak u 12.35 zafiksavali śmierć. Jana tak i nie pryjšła ŭ prytomnaść», — padzialiłasia padrabiaznaściami Zakamskaja.
Raźvitańnie z Alenaj Jasievič adbudziecca siońnia.
Paviedamlajecca, što ŭ 2018 hodzie Alena pieražyła trahiedyju — pamierła jaje małodšaja dačka.
Prychilniki šou byli ŭražanyja talentam Aleny Jasievič, jakaja zapeŭnivała, što zdolnaść da pradkazańniaŭ joj dastałasia ad prababuli. Jašče ŭ dziacinstvie jana pačała raźvivać dar, čym pałochała baćkoŭ.
U Aleny zastałasia 16-hadovaja dačka.
