Polšča dadatkova pastavić Ukrainie bolš za 50 samachodnych haŭbic KRAB
U Kijevie byŭ padpisany kantrakt na pastaŭku bolš za 50 harmat-haŭbic KRAB na sumu kala 3 młrd złotych (kala 600 młn jeŭra). Heta najbujniejšy ekspartny kantrakt dla polskaj vajskovaj pramysłovaści za apošnija hady, paviedamlaje hazieta Dziennik Gazeta Prawna.
Ab zaklučeńni kantrakta na pastaŭku troch artyleryjskich dyvizijonaŭ było abvieščana ŭčora na sustrečy pradstaŭnikoŭ polskaha i ŭkrainskaha ŭradaŭ u Kijevie. Havorka idzie pra 56 adzinak samachodnych haŭbic KRAB z dadatkovymi mašynami. Aryjencirovačny košt hetaha kantraktu składaje kala 3 młrd złotych. Pastaŭki pavinny być ažyćcioŭlenyja na praciahu niekalkich miesiacaŭ. Heta «zvyčajnaja» damova kupli-prodažu.
Ździełka stała najbujniejšaj dla polskaj abaronnaj pramysłovaści za apošnija hady, paviedamlaje reform.by.
29 maja stała viadoma, što Polšča biaspłatna pieradała ŭkrainskaj armii 18 samachodnych haŭbic KRAB, a taksama navučyła sotniu ŭkrainskich artylerystaŭ pracy z novaj sistemaj. Mahčyma, pastaŭku budzie častkova refinansavać ES
KRAB — heta 155-mm samachodnaja haŭbica vytvorčaści Huta Stalowa Wola. Jana zdolnaja zrabić 6 strełaŭ za chvilinu i efiektyŭna paražać celi na adlehłaści da 40 km. Husieničnaje šasi mašyny vyrablajecca pa karejskaj licenzii, a harmata kalibram 155 mm źjaŭlajecca madyfikacyjaj brytanskaha ŭzbrajeńnia. U 2016 hodzie Minabarony Polščy zamoviła 96 takich mašyn na sumu bolš za 4,6 młrd złotych.
Taksama siońnia stała viadoma, što Słavakija pastavić Ukrainie vosiem samachodnych haŭbic Zuzana 2.
Pahadnieńnie ab kamiercyjnym kantrakcie na pastaŭku vaśmi haŭbic padpisała dziaržaŭnaje pradpryjemstva Słavakii.
Zuzana 2 — madernizavanaja viersija samachodnaj artyleryjskaj ustanoŭki. Jana vykarystoŭvaje 155-mm snarady i maje efiektyŭnuju dalokaść stralby kala 40 km, a sa śpiecyjalnym bojeprypasam — zvyš 50 km.
