Mierkiel vykazałasia pra vajnu va Ukrainie
Jana vykazała salidarnaść z Ukrainaj i padtrymała jaje prava na samaabaronu.
U svaim pieršym publičnym vystupie za apošnija šeść miesiacaŭ były kancler Hiermanii Anhieła Mierkiel nazvała napad Rasii na Ukrainu «pierałomnym momantam», paviedamlaje Deutsche Welle.
Były kancler Niamieččyny Anhieła Mierkiel vykazałasia z nahody vajny va Ukrainie. Jana nazvała toje, što adbyvajecca «varvarskaj vajnoj» i zajaviła, što jaje treba terminova spynić: «Maja salidarnaść zaklučajecca ŭ tym, što Rasieja atakuje, uryvajecca va Ukrainu, i ja i padtrymlivaju prava Ukrainy na samaabaronu».
Mierkiel zaklikała členaŭ Jeŭrasajuza prajaŭlać adzinstva i skazała, što padtrymlivaje dziejańni ŭładaŭ Hiermanii pa spynieńni kanfliktu.
Ab rasijska-niamieckich adnosinach padčas jaje znachodžańnia na pasadzie kanclera, i asabista z Uładzimiram Pucinym Mierkiel ničoha nie skazała.
Da hetaha Mierkiel tolki raz publična vykazvałasia pra vajnu ŭ Ukrainie. 25 lutaha jana zajaviła, što asudžaje parušeńni mižnarodnaha prava Rasijaj: «Toje, što adbyvajecca, aznačaje surjozny pavarotny momant u historyi Jeŭropy paśla zakančeńnia chałodnaj vajny».
