Kamiercyjnamu dyrektaru Silver Screen Alaksandru Dziemidoviču dali 15 sutak
Kamiercyjnaha dyrektara sietki kinateatraŭ «Silver Screen» Alaksandra Dziemidoviča zatrymali 25 maja. Zerkalo.io paviedamlaje, što jon atrymaŭ 15 sutak aryštu.
Dziemidoviča sudzili pa administracyjnym artykule 23.4 «Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ».
Jak raspaviali raniej Zerkalo.io vidavočcy, zatrymańnie Alaksandra adbyvałasia 25 maja ŭ pramiežak z 15.30 da 16.00.
«Da nas pryjšli try supracoŭniki orhanaŭ unutranych spraŭ u cyvilnym, stali pytacca supracoŭnikaŭ kinateatra ab biaśpiecy, mierapryjemstvach i inšym, namiakajučy na sustreču z kimści hałoŭnym, — kaža adzin z rabotnikaŭ kinateatra. — Luby «hałoŭny», jaki da ich prychodziŭ, ich nie zadavalniaŭ. Tady paklikali dyrektara. I ŭžo dyrektaru jany skazali, što nie buduć marnavać čas. Maŭlaŭ, viadzicie tudy, dzie siadzić Alaksandr Dziemidovič. Dalej jany ŭžo zajšli ŭ jahony kabiniet, skazali źbirać rečy, maŭlaŭ, pajedziem na pieratrus. Zabrali klučy ad doma, telefon. Skazali, što jaho nie budzie 10 sutak. Što za artykuł, pa jakoj jany jaho zatrymlivali, nieviadoma».
