Stała viadoma, kaho z artystaŭ zaprasili na «Słavianski bazar». U asnoŭnym tych, chto za vajnu
Kvitki na adkryćcio «Słavianskaha bazaru» poŭnaściu raskuplenyja. Pra heta ahienctvu «Minsk-Naviny» paviedamiŭ dyrektar fiestyvalu Hleb Łapicki.
Łapicki taksama raspavioŭ, chto z artystaŭ budzie vystupać na fiestyvali. Heta, naprykład, akcior Siarhiej Biazrukaŭ, jaki padtrymaŭ rasijskuju ahresiju va Ukrainie, śpievaki Hryhoryj Leps, jaki byŭ z kancertami ŭ samaabvieščanaj «DNR», Łarysa Dolina, Vajenha, Zara, kalektyvy «Chor Turieckoho» i «Ziemlanie».
Pryjeduć i ŭkraincy — Taisija Pavalij i Vitas. Jany publična nie vykazvalisia suprać vajny.
Ź biełarusaŭ na scenu tradycyjna vyjduć Alaksandr Saładucha, Anatol Jarmolenka, Iryna Darafiejeva, Alona Łanskaja, «Siabry», «Pieśniary», Tea i inšyja vykanaŭcy, imiony jakich mała kamu pra što havorać. Paśla vybaraŭ u Biełarusi 2020 hoda jany nie asudzili hvałt i praciahvali vystupać na praŭładnych kancertach.
Fiestyval «Słavianski bazar u Viciebsku» projdzie z 14 pa 17 lipienia. Samy tanny bilet abydziecca ŭ 7 rubloŭ, samy darahi — u 210 rubloŭ.
