U Hrodnie pierafarboŭvajuć žoŭta-błakitnyja tralejbusy
U Hrodzienskim tralejbusnym upraŭleńni ŭ mai pačałasia pierafarboŭka haradskich tralejbusaŭ, jakija majuć žoŭta-siniuju afarboŭku, paviedamlaje sajt MOST. Pavodle jahonych krynic, takoje ŭkazańnie pryjšło ad miascovych čynoŭnikaŭ.
Žoŭta-błakitny tralejbus na vulicy Hrodna. Fota: transport.ru
U Hrodzienskim tralejbusnym parku jość tolki adzin farbavalny cech. Usiaho ŭ parku bolš za 20 tralejbusaŭ z žoŭta-siniaj afarboŭkaj, pierafarbavali ŭžo čatyry.
«Na afarboŭku stali pryhaniać z 20 traŭnia. Nichto nie tłumačyŭ, z čym heta źviazana. Pryjšli z vykankama. Pa čutkach, miascovyja čynoŭniki bajacca, što chtości pryjedzie ŭ horad i ŭbačyć žoŭta-sinija tralejbusy, a heta asacyjacyja z Ukrainaj. Dla ŭsich rabotnikaŭ heta poŭny marazm», — raskazała krynica MOST.
Adzin ź pierafarbavanych tralejbusaŭ na vulicach Hrodna. Fota: newgrodno.by
Hramadski transpart Hrodna pačali pierafarboŭvać u kolery hierba i ściaha horada (jany žoŭta-błakitnyja) z 2011 hoda. I da hetaha hoda nijakich prablem u hetym nichto nie bačyŭ.
Pavodle niepaćvierdžanaj infarmacyi, ukazańnie pierafarboŭvać transpart pryjšło i ŭ aŭtobusny park Hrodna.
