Padalak: Napad na Ukrainu z terytoryi Biełarusi stanie kancom praŭleńnia Łukašenki
Napad na Ukrainu z terytoryi Biełarusi stanie samahubstvam dla biełaruskich vajskoŭcaŭ i kancom praŭleńnia Alaksandra Łukašenki. Pra heta ŭ efiry nacyjanalnaha telemarafona zajaviŭ daradca kiraŭnika Ofisa prezidenta Ukrainy Michaił Padalak.
Michaił Padalak
Padalaka spytalisia, jak varta rasceńvać siońniašnija zajavy Łukašenki ab stvareńni apieratyŭnaha štaba na poŭdni biełaruskaj dziaržavy, i ci varta čakać nastupleńnia pa hetym kirunku.
«Pastajannaja kamunikacyja jość, pastajanna pracuje raźviedka, pracujuć śpiecyjalnyja subjekty, jakija zajmajucca acenkaj stanovišča na miažy.
Heta značyć, my absalutna dakładna kantralujem situacyju na biełaruska-ŭkrainskaj miažy i kantralujem usie matyvy, jakija padachvočvajuć spadara Łukašenku da hetych zajavaŭ.
Heta typova dla sučasnaha biełaruskaha kiraŭnictva… adnačasova ty i chočaš, i nie chočaš, možaš i nie možaš», — adkazaŭ Padalak.
Jon ličyć, što nastupleńnie z boku Biełarusi budzie aznačać samahubstva dla biełaruskich vajskoŭcaŭ, a dla samoha Alaksandra Łukašenki — zaviaršeńnie praŭleńnia. U toj ža čas Michaił Padalak nie vyklučyŭ varyjant, što biełaruskija vojski mohuć vykarystoŭvać letalnuju zbroju.
«Ja razumieju, što jany siońnia mohuć vykarystoŭvać kryłatyja rakiety, ale vy ž razumiejecie, što kali hety zahad addaść asabista Łukašenka, to dla jaho jahonaja strašennaja karjera «apošniaha dyktatara» Jeŭropy skončycca niečakana», — skazaŭ daradca kiraŭnika APU.
