Minadukacyi paviedamiła pra ŭviadzieńnie ŭ škołach centralizavanaha ekzamiena
Z nastupnaha hoda vypusknyja ekzamieny ŭ škołach pa asnoŭnych pradmietach zamienić centralizavany ekzamien. Načalnik hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Kaśpiarovič raskazaŭ, što «pa technałohii heta praces, padobny da centralizavanaha testavańnia, a pa sutnaści — heta ŭ pieršuju čarhu vypuskny ekzamien pa dvuch pradmietach: matematyka i adna z movaŭ, ruskaja abo biełaruskaja pavodle vybaru školnika», paviedamlaje Zerkalo.io.
Fota ilustratyŭnaje
Pa słovach Kaśpiaroviča, centralizavany ekzamien budzie prachodzić u siaredzinie maja. Dla jaho adkryjuć bolš za 100 punktaŭ praviadzieńnia.
Paśla pravierki vyniki spačatku paviedamiać škołam i vučniam, bo jany buduć uličvacca pry vystaŭleńni adznak u atestat. A potym vydaduć i siertyfikaty. Ich možna budzie vykarystoŭvać dla pastupleńnia ŭ VNU naroŭni ź siertyfikatami centralnaha testavańnia. Pry hetym na testavańni nielha budzie zdać tyja ž pradmiety, jakija vučań zdavaŭ na centralizavanym ekzamienie.
Centralizavany ekzamien uvodzicca tolki dla 11-kłaśnikaŭ u škołach — u prafiesijna-techničnaj i siaredniaj specyjalnaj adukacyi jaho nie budzie. Vypuskniki takich ustanoŭ pry žadańni pastupić u VNU buduć zdavać centralizavany test, jak i raniej.
