Rasijanie viaduć bai za Liman i Aŭdziejeŭku
«Na Danieckim napramku asnoŭnyja namahańni praciŭnika skancentravanyja na ŭziaćci pad poŭny kantrol nasielenaha punkta Liman i sprobach palepšyć taktyčnaje stanovišča pablizu Sievieradaniecka i Aŭdziejeŭki», — havorycca ŭ paviedamleńni USU.
Rasijskija vojski sprabujuć zamacavacca ŭ rajonie Sievieradaniecka, viali šturmavyja dziejańni ŭ kirunku nasielenaha punkta Uścinaŭka.
Na Bachmuckim kirunku bajavyja dziejańni praciahvajucca. Sapiernik rabiŭ sproby nastupu ŭ rajonach Kamyšavachi, Lipavaha i Nahornaha.
Jak paviedamlałasia, 25 maja kiraŭnik Łuhanskaj abłasnoj vajennaj administracyi Siarhiej Hajdaj skazaŭ, što ciapier akupavana kala 95% Łuhanskaj vobłaści. Jon adznačyŭ, što situacyja na Danbasie — «vielmi kiepskaja». Pa jaho słovach, abstreły Łuhanščyny nie spyniajucca, rasijskija akupanty źniščajuć cełyja nasielenyja punkty, tamu ŭkrainskim vajskoŭcam prychodzicca adychodzić, kab zaniać novyja pazicyi.
