U MZS Rasii zadumalisia ab pierasialeńni biełarusaŭ na Daloki Uschod
Pieršy sakratar pradstaŭnictva MZS Rasii ŭ Prymorskim krai Ihar Łapicki ŭ chodzie kruhłaha stała «Biełaruś i rasijski Daloki Uschod: družalubny dyjałoh» vykazaŭ dumku, što hramadzianie Biełarusi adnosna chutka mohuć adaptavacca ŭ Prymorskim krai, zaniacca tut biznesam i zdabyć druhuju radzimu. A takim čynam — paŭpłyvać na mihracyjnyja patoki ŭ rehijonie, źviazanyja z adtokam žycharoŭ kraju ŭ zachodnija rehijony.
«My zaŭsiody rady bačyć pradstaŭnikoŭ Respubliki Biełaruś u našym rehijonie. Jak viadoma, Prymorje pastajanna znachodzicca ŭ centry demahrafičnaj palityki našaj dziaržavy.
U suviazi z adtokam žycharoŭ u zachodnija rehijony Rasii i časovaj pracoŭnaj mihracyjaj z respublik Siaredniaj Azii tut adbyvajucca peŭnyja demahrafičnyja pracesy, jakija patrabujuć piśmiennaj mihracyjnaj palityki. U hetym płanie suviazi z Respublikaj Biełaruś dajuć stanoŭčyja impulsy ŭ hetym kirunku», — zajaviŭ pradstaŭnik MZS Rasii ŭ Prymorji.
Jon taksama adznačyŭ, što dla pierasialencaŭ i pryjezdžych z Respubliki Biełaruś patrabujecca minimalny čas i vydatki dla adaptacyi ŭ rehijonie.
«Było b pažadana, kab rehijon atrymaŭ takich śpiecyjalistaŭ, jakija chacieli b adkryć tut svaju spravu, zdabyć tut druhuju radzimu», — skazaŭ jon.
Navošta biełarusam masava jechać na ŭschod, u toj čas jak sami ruskija, jak jon sam pryznaŭ, vyjazdžajuć z Dalokaha Uschodu na zachad — nie ŭdakładniajecca.
