Dvuch biełarusaŭ z PVK «Vahnier» padazrajuć u vajennych złačynstvach pad Kijevam. SBU nazvała ich proźviščy
Uradženiec Rečycy Siarhiej Sazonaŭ i ŭradženiec Oršy Alaksandr Stupnicki, jakija vajavali ŭ składzie PVK «Vahnier» u Siryi, padazrajucca ŭ 14 epizodach katavańniaŭ i źvierskich rasstrełaŭ u vioscy Matyžyn Kijeŭskaj vobłaści, paviedamlaje Radyjo Svaboda.
Brackaja mahiła ŭ Matyžynie. Fota AP
Aproč taho, pavodle śledctva, Siarhiej Sazonaŭ i Alaksandr Stupnicki ŭdzielničali ŭ vykradańni, katavańni i zabojstvie starasty Matyžyna Volhi Suchienka, jaje muža i syna.
Abodva biełarusy ŭklučanyja ŭ bazu centra «Miratvorac». Pavodle źviestak, sabranych supracoŭnikami centra, Siarhiej Sazonaŭ (naradziŭsia ŭ 1972 hodzie) źjaŭlajecca byłym majoram milicyi, pracavaŭ učastkovym inśpiektaram Rečyckaha RAUS. U 2015 hodzie jaho nibyta aštrafavali za spažyvańnie narkotykaŭ na 14 miljonaŭ biełaruskich rubloŭ. Maje pazyŭny «Roj».
Alaksandar Stupnicki naradziŭsia ŭ 1989 hodzie i dahetul nibyta maje prapisku ŭ Oršy.
Pavodle źviestak centra «Miratvorac», abodva dahetul majuć biełaruskaje hramadzianstva.
