Cichanoŭskaja ŭ Siejmie Litvy: Łukašenka raspłačvajecca z Pucinym našym suvierenitetam
Siońnia Śviatłana Cichanoŭskaja vystupiła ŭ Siejmie Litvy.
«U samy razhar pratestaŭ Kreml dapamoh režymu prapahandystami i hrašyma. Kreml byŭ hatovy ratavać Łukašenku i vajskoŭcami. Siońnia Łukašenka raspłačvajecca z Pucinym našym suvierenitetam», — zajaviła Śviatłana Cichanoŭskaja.
Jana adznačyła rolu biełarusaŭ, jakija prykłali namahańni, kab pieraškodzić płanam rasijskaj armii: nahadała pra nizkuju padtrymku vajny biełarusami, a taksama pra dyviersii na čyhuncy.
«Kala 1,5 tysiačy chłopcaŭ i dziaŭčat dałučyłasia da biełaruskich bataljonaŭ va ŭkrainskaj armii», — dadała Cichanoŭskaja.
Pavodle jaje mierkavańnia, «biez svabodnaj Ukrainy nie budzie svabodnaj Biełarusi, a biez svabodnaj Biełarusi nie budzie biaśpiečnaj Ukrainy i biaśpiečnaj Jeŭropy».
