Źjavilisia maroziva i syrki pad brendam MTZ. Dzie nabyć?
Pad brendam Minskaha traktarnaha zavoda pačynajuć vypuskać hłazuravanyja syrki i maroziva. Ale kupić ich nie tak prosta.
Dniami ŭ supołcy «Padsłuchana MTZ» źjaviŭsia dopis z fotazdymkam hłazuravanych syrkoŭ u abhortcy z traktaram.
Skrynšot z vk.com/podslushano_mtz
«Pradstaŭlajem vašaj uvazie syrok hłazuravany BELARUS TRACTOR. Voś takaja smačnaja i jarkaja kałabaracyja z kampanijaj «Babulin hlečyk». Užo chutka — u handlovaj sietcy našaha kambinata hramadskaha charčavańnia», — pisałasia ŭ paviedamleńni.
Paźniej u sietcy źjavilisia zdymki z brendavanym marozivam i navat videa z kanviejera.
Pad firmovaj abhortkaj MTZ budzie zvyčajnaje maroziva z vanilnym smakam, jakoje vyrablajuć na pradpryjemstvie «Babuškina krynka».
Na fota maroziva ŭ firmavaj abhortcy. Krynica: vk.com/podslushano_mt
Nabyć firmovaje maroziva i syrki, prynamsi pakul, možna budzie tolki ŭ bufietach i kramach hramadskaha charčavańnia MTZ. Na pradpryjemstvie miarkujuć, što ŭ prodažy łasunki źjaviacca 27 maja. Vypusk pradukcyi prymierkavany da 76-j hadaviny pradpryjemstva.
