Mieduza: Maskva chacieła b dałučyć «DNR», «ŁNR», Chierson i Biełaruś adnačasova
U Kramli nie admovilisia ad idei pravieści refierendumy pa dałučeńni da Rasii samaabvieščanych «DNR» i «ŁNR», a taksama zaniataj rasijskimi vojskami Chiersonskaj vobłaści. Nie vyklučana, što projdzie plebiscyt i ŭ Biełarusi, piša rasijskaje vydańnie «Mieduza» sa spasyłkaj na svaje krynicy ŭ Kramli.
Fota Ramil Sitdikov, Kremlin Pool Photo via AP
Kali mienavita jany mohuć prajści, zaležyć ad situacyi na froncie. Pakul samaja realistyčnaja data — 11 vieraśnia, u adziny dzień hałasavańnia.
Pa słovach surazmoŭcaŭ «Mieduzy», u tyja ž terminy moža prajści refierendum ab dałučeńni Paŭdniovaj Asiecii. Ułady samaabvieščanaj respubliki zapłanavali svoj refierendum na tuju ž temu na 17 lipienia — adnak dva surazmoŭcy «Mieduzy», blizkija da AP, zapeŭnivajuć, što data plebiscytu moža pamianiacca (jaje zahadzia pryznačyŭ Anatol Bibiłaŭ, jaki prajhraŭ prezidenckija vybary).
Tyja ž krynicy nie vyklučajuć, što razam z refierendumami ŭ samaabvieščanych respublikach Danbasa moža prajści plebiscyt ab «źlićci» z Rasijaj u Biełarusi.
«Ale heta, kali ŭdasca pradušyć Łukašenku, jaki ad takoha scenaryja ŭsialak sychodzić», — padkreślivaje adzin z surazmoŭcaŭ.
