U śviecie praciahvaje šyrycca novy hiepatyt nieviadomaha pachodžańnia: jakija simptomy nie varta ihnaravać?
U śviecie praciahvajuć rehistravać vypadki novaha nieviadomaha hiepatytu, pryčyny ŭźniknieńnia jakoha da kanca nie vyvučanyja. Najbolš uraźlivymi dla novaj chvaroby apynulisia dzieci va ŭzroście ad adnaho miesiaca da 16 hadoŭ, niekatoryja ź ich zajmieli patrebu ŭ pierasadcy piačonki.
Pa stanie na 17 maja ŭ śviecie byli zarehistravanyja 522 vypadki zachvorvańnia na vostry hiepatyt nieviadomaha pachodžańnia, i kolkaść vypadkaŭ, pavodle źviestak SAAZ, maje tendencyju da rostu.
Ciapier lekary nie mohuć dać adnaznačnaha adkazu ab pryčynach uźniknieńnia zachvorvańnia, adnak pakul viadoma, što virusy hiepatytu A, B, C, E i D nie źviazanyja z novaj chvarobaj. Taksama nie ŭpłyvaje na ŭźniknieńnie chvaroby i faktar mižnarodnych pajezdak dy kantakty ludziej z roznych krain.
Pakul što asnoŭnaja parada dla baćkoŭ — uvažliva sačyć za zdaroŭjem dziaciej i źviartacca pa dapamohu, kali źjavilisia prykmiety paražeńnia piačonki: mača stała ciomnaj; kał nabyŭ śvietły koler; češacca skura; źjaviłasia žaŭtucha; balić žyvot; dzicia stomlenaje; dzicia straciła apietyt; padniałasia tempieratura.
Uvohule ž siońnia hiepatyty paddajucca lačeńniu i nie ŭjaŭlajuć pahrozy žyćciu, kali svoječasova źviarnucca da lekaraŭ.
Čytajcie taksama:
U dziaciej u 12 krainach zafiksavali hiepatyt nieviadomaha pachodžańnia. Adno dzicia pamierła
