«Čornaje lusterka» viartajecca: Netflix pracuje nad praciaham
Jak paviedamlaje Variety, nad novymi epizodami sieryjała budzie pracavać stvaralnik «Čornaha lusterka» Čarli Brukier.
Prajšło amal try hady z taho momantu, jak u červieni 2019 hoda na stryminhavym servisie Netflix adbyłasia premjera piataha siezonu antyŭtapičnaj dramy. I voś narešcie, jak paviedamlajuć krynicy Variety, pačaŭsia kastynh dla zdymak u 6-m siezonie.
Choć padrabiaznaści trymajucca ŭ sakrecie, miarkujecca, što ŭ 6-m siezonie budzie bolš epizodaŭ, čym u 5-m, jaki składajecca ŭsiaho z troch sieryj.
Variety, spasyłajučysia na krynicy, blizkija da zdymačnaha pracesu, paviedamlaje, što apošni siezon budzie jašče bolš kiniematahrafičny, kožnaja častka budzie razhladacca jak asobny film.
Hetaja navina tym bolš niečakanaja, pakolki paśla piataha siezona Brukier skazaŭ Radio Times, što jon nie ŭpeŭnieny, ci jość u «Čornaha lusterka» budučynia.
Dakładnaj infarmacyi pra toje, kali vyjdzie šosty siezon «Čornaha lusterka» ci jakija akciory buduć zaprošanyja, pakul niama.
