Na poŭdni Hiermanii koškam zabaranili hulać na vulicy pad pahrozaj štrafu
Kamiendanckaja hadzina dla košak? Hučyć dziŭna, ale ŭ horadzie Valdorf na poŭdni Hiermanii amal tak i jość — tam koškam zabaranili hulać pa vulicy da kanca žniŭnia. Haspadaram parušalnikaŭ režymu pahražaje hrašovy štraf 500 jeŭra.
Fota DPA
Pryčyna takich strohaściaŭ — abarona čubatych žaŭrukoŭ (Galerida cristata), u jakich prachodzić aktyŭny šlubny pieryjad. Hetyja ptuški znachodziacca pad pahrozaj źniknieńnia i ŭ fiederalnaj ziamli Baden-Viurtembierh ŭniesieny ŭ «čyrvony śpis» pieršaj katehoryi.
Žaŭruki hniazdujucca prosta na ziamli, u kustach abo, naprykład, blizu sadovych pabudoŭ, u zacišnych kutkach pobač z čałaviečymi sieliščami, heta značyć jak raz tam, dzie koška lohka zmahła b znajści ich. I kali takoje niaščaście ŭsio ž adbudziecca, to za dakazanaje zabojstva žaŭruka pryjdziecca zapłacić užo 50 tysiač jeŭra.
Zrešty, vyhulvać košku pry žadańni možna — na śpiecyjalnaj šlejcy albo z GPS-datčykam, kab adsočvać maršrut (dla hetaha treba zapytvać asobny dazvoł).
U Hiermanii vielmi strohija praviły ŭtrymańnia chatnich žyvioł, da prykładu, za sabak prychodzicca płacić śpiecyjalny padatak. Koški pakul abychodziacca ŭładalnikam biaspłatna, a dzie-nidzie navat šukajuć ludziej na vakansiju hładzilščyka košak — praŭda, usio ž na vałanciorskich pačatkach.
