Na minskich damach źbirajucca pastavić 100 tysiač kamier. Płacić za nazirańnie za saboj majuć sami ludzi
Na damach u Minsku płanujuć ustalavać kala 100 tysiač kamier dla videanazirańnia. Pra heta zajaviŭ načalnik hrupy pa pracy z klučavymi klijentami filijała «Minskaja haradskaja telefonnaja sietka» RUP «Biełtelekam» Viktar Kaniušyk.
Fota ilustracyjnaje
«U Minsku 6,4 tysiačy šmatkvaternych žyłych damoŭ, ź ich 1,8 tysiačy ŭ toj ci inšaj stupieni abstalavanyja videanazirańniem. My padličyli, što dla zabieśpiačeńnia usiaho šmatkvaternaha žyłoha fondu sistemami videanazirańnia ŭ dastatkovym abjomie patrabujecca 100 tysiač kamier», — pieradajuć jaho słovy «Minsk-Naviny».
«Biełtelekam» hatovy ŭstalavać kamiery za svoj košt, a žychary za heta buduć płacić abanienckuju płatu — aryjencirovačna 2,3 rubla z kvatery ŭ miesiac.
Zachoŭvacca na sierviery zapisy buduć nie mienš za 30 dzion.
