MZS Rasii: Ułady Ukrainy ŭciahvajuć niepaŭnaletnich u nacyjanalistyčnuju dziejnaść
Pra toje, što ŭłady Ukrainy nibyta ŭciahvajuć niepaŭnaletnich u «nacyjanalistyčnuju dziejnaść», zajaviła aficyjnaja pradstaŭnica MZS Rasii Maryja Zacharava.
«Chacieła b skazać ab uciahvańni niepaŭnaletnich u dziejnaść ukrainskich nacyjanalistyčnych farmavańniaŭ (patryjatyčnych arhanizacyj Ukrainy. — zaŭv. Red). Pa miery vyhnańnia z terytoryi Danbasa (akupavanaj Rasijaj terytoryi Ukrainy. — zaŭv. Red) nacyjanalistyčnych farmavańniaŭ Ukrainy (ukrainskich vajskoŭcaŭ. — zaŭv. Red.) adkryvajucca novyja fakty, jakija paćviardžajuć uciahvańnie dziaciej u dziejnaść hetych čałaviekanienaviśnickich struktur», — skazała Zacharava padčas bryfinhu ŭ sieradu.
Chutčej za ŭsio, pad «nasadžeńniem nacyjanalistyčnaj dziejnaści» rasijskaja ŭłada razumieje dziaržaŭnyja miery Ukrainy pa adradžeńni ŭkrainskaj movy na rusifikavanych terytoryjach Ukrainy, papularyzacyju ŭkrainskaj viersii histaryčnaj pamiaci i patryjatyčnaje vychavańnie.
