Makron: Zajaŭku Ukrainy na ŭstupleńnie ŭ Jeŭrasajuz razhledzim u červieni
Prezident Francyi Emaniuel Makron padčas siońniašniaj telefonnaj razmovy z prezidentam Ukrainy Uładzimiram Zialenskim paviedamiŭ, što zajaŭka Ukrainy na ŭstupleńnie ŭ Jeŭrasajuz budzie razhledžana ŭ červieni. Pra heta havorycca ŭ pres-relizie Jelisiejskaha pałaca.
Zajaŭku na ŭstupleńnie krainy ŭ Jeŭrasajuz Ukraina padała 28 lutaha, praź niekalki dzion paśla pačatku rasijskaj ahresii.
Jašče padčas hetaj razmovy prezident Francyi paćvierdziŭ, što kraina hatovaja reahavać na ŭsie prośby Ukrainy ab dapamozie z abaronnaj technikaj, palivam, a taksama ab ekanamičnaj i humanitarnaj padtrymcy. Makron skazaŭ, što Francyja praciahnie pastaŭlać zbroju va Ukrainu, u najbližejšy čas pavialičyŭšy jaje kolkaść.
Taksama Zialenski abmierkavaŭ z Makronam mahčymyja šlachi ekspartu ŭkrainskaj ahrarnaj pradukcyi.
