Bujny akcyjanier handlovaj sietki OMA sychodzić ź Biełarusi
Kampanija Kesko Senukai spyniaje svaju dziejnaść u Biełarusi i vychodzić ź liku akcyjaneraŭ handlovaj sietki OMA. Kampanija, jakoj kirujuć hramadzianie Litvy i Finlandyi, maje 50% akcyj OMA i ciapier pradaje ich, piša delfi.lt.
Fota: keskosenukai.com
Kesko Senukai z samaha pačatku vajny prajaŭlaje salidarnaść z žycharami Ukrainy. Va ŭsich krainach Bałtyi kampanija apieratyŭna spyniła zakupku ŭsich rasijskich i biełaruskich tavaraŭ, aktyŭna pastaŭlaje dapamohu žycharam Ukrainy praz Čyrvony Kryž i ŭdzielničaje ŭ inšych inicyjatyvach dapamohi ŭkraincam.
Z Rasij Kesko Senukai spyniła adnosiny ŭ samym pačatku vajny z Ukrainaj, a da Biełarusi sprava dajšła ciapier.
Zrešty, paviedamlajecca, što ŭsie handlovyja suviazi z OMA — i prodažy, i ekspart — byli spynienyja ŭ krasaviku.