Śviatłana Cichanoŭskaja pačynaje vizit u Ispaniju
U płanach sustrečy z premjer-ministram krainy, kiraŭnikom MZS, parłamientaryjami i ekśpiertami.
Lidarka demakratyčnych sił Biełarusi Śviatłana Cichanoŭskaja pačynaje rabočy vizit u Ispaniju, paviedamili ŭ pres-słužbie palityka.
U płanach sustrečy z premjer-ministram krainy, kiraŭnikom MZS, parłamientaryjami i ekśpiertami.
U Madrydzie Śviatłana Cichanoŭskaja raskaža pra situacyju z palityčnymi źniavolenymi ŭ Biełarusi, pra nieabchodnaść akazańnia dapamohi hramadzianskaj supolnaści Biełarusi, a taksama pra rolu Biełarusi ŭ vajnie Rasii suprać Ukrainy.
«Pazicyja Ispanii ŭpłyvaje na łacinaamierykanskija krainy, ź jakimi režym Łukašenki sprabuje flirtavać. Hołas Ispanii važny dla mnohich dziaržaŭ, ź mierkavańniem Karaleŭstva ličacca ŭ mižnarodnych arhanizacyjach», — skazana ŭ paviedamleńni pres-słužby.
