Cichanoŭskaja vykazała spačuvańni blizkim Paŭła «Vołata»
Lidarka biełaruskich demakratyčnych siłaŭ Śviatłana Cichanoŭskaja vykazała spačuvańni rodnym i blizkim bajca bataljona Kalinoŭskaha Paŭła «Vołata», jaki zahinuŭ, baroniačy Ukrainu ad rasijskaj ahresii.
Pavieł «Vołat»
Cichanoŭskaja adznačyła:
«Śmierć luboha biełarusa — vielizarnaja trahiedyja dla ŭsich nas. Vyzvalajučy ŭkrainskuju viosku ad rasijskich zachopnikaŭ, zahinuŭ dobraachvotnik z bataljona Kalinoŭskaha Pavieł «Vołat». Maje ščyryja spačuvańni jaho rodnym, blizkim, siabram i pabracimam.
Pavieł užo šosty biełarus, jaki zahinuŭ, abaraniajučy Ukrainu ad rasijskaj ahresii. My nie zabudziem Paŭła «Vołata», Kanstancina «Fieniksa» Dziubajłu, Źmitra «Hansa» Rubašeŭskaha, Źmitra «Terora» Apanasoviča, Alaksieja «Tura» Skoblu, Illu «Litvina» Chrenava. Usie jany — hieroi, a hieroi nazaŭždy zastajucca ŭ pamiaci ludziej».
Pra hibiel Paŭła «Vołata» siońnia paviedamiŭ telehram-kanał bataljona Kalinoŭskaha.
Čytajcie taksama:
Zahinuŭ kamandzir roty bataljona Kastusia Kalinoŭskaha
