Biełaruski futbalist nabyŭ Nissan X-Trail dla patreb ukrainskaj armii
Juryj Kiendyš dla hetaha skłaŭsia hrašyma sa svaimi ŭkrainskimi kalehami pa «Ryzie».
Juryj Kiendyš (źleva) kala aŭtamabila. Fota z sacyjalnych sietak
Futbalisty łatvijskaha kłuba «Ryha», ukraincy Filipaŭ, Jurčanka, Vakułka, i biełarus Juryj Kiendyš razam nabyli aŭtamabil Nissan X-Trail dla patreb Uzbrojenych siłaŭ Ukrainy.
Pryčym mašyna nie pajechała pustoj. Łatvijskija vałanciory napakavali jaje humanitarkaj, piša ŭkrainski futbalist i žurnalist Dźmitryj Pavaraźniuk.
31-hadovy Juryj Kiendyš hulaŭ za salihorski «Šachcior», bresckaje «Dynama» i barysaŭski BATE, a taksama za nacyjanalnuju zbornuju Biełarusi. U Łatvii jon vystupaje sa studzienia 2022-ha.
Vykarystańnie džypaŭ dla patreb mabilnych hrup stała charakternym mietadam ukrainskaj armii paśla napadu Rasii.
Čytajcie taksama: Aleś Santocki: Łukašenka tak i nie zrazumieŭ, čamu ŭkraincy vystajali
