«Śviatočny salut». U adkaz na pieramohu Kalush Orchestra «Azoŭstal» abstralali fosfarnymi snaradami
Ukraina praviadzie «Jeŭrabačańnie-2023» u vyzvalenym Maryupali? U adkaz na pieramohu Kalush Orchestra «Azoŭstal» abstralali fosfarnymi snaradami. «Śviatočny salut», — pišuć rasijskija kanały.
Prezident Ukrainy Uładzimir Zialenski ŭ vinšavańni z nahody pieramohi Kalush Orchestra napisaŭ: «My zrobim usio, kab adnojčy ŭdzielnikaŭ i haściej «Jeŭrabačańnia» pryniaŭ ukrainski Maryupal. Svabodny, mirny, adbudavany».
Tym časam siońnia ŭranku «Azoŭstal», imavierna, abstralali fosfarnymi snaradami. «Śviatočny salut», — zło žartujuć rasijskija kanały.
Videa abstrełu apublikavaŭ pamočnik mera Maryupala Piatro Andruščanka. Strašnaje vidovišča — ahniavy doždž.
Abarona Maryupala doŭžycca amal try miesiacy, horad tatalna razburany rasijskimi bambiožkami.
Siońnia ŭnačy Kalush Orchestra pieramahli na «Jeŭrabačańni» dziakujučy adzinadušnamu, rekordnamu ŭ historyi hałasavańniu hledačoŭ.
Jak adznačyŭ frontmen Kalush Orchestra Aleh Psiuk, vajna całkam pamianiała ŭsprymańnie sensu hetaj pieśni, što znajšło adlustravańnie ŭ klipie.
15 maja Kalush Orchestra pakazali klip na pieśniu Stefania, źniaty ŭ Bučy, Irpieni i Baradziancy.
Klip zakančvajecca zaklikam: Stand with Ukraine! Budźcie z Ukrainaj!
Ukraina pieramahła na Jeŭrabačańni, dziakujučy rekordnaj padtrymcy telehledačoŭ
14 maja ŭkrainskija repiery Kalush Orchestra pieramahli na Jeŭrabačańni-2022 u italjanskim Turynie. Pa vynikach hałasavańnia žury jany byli tolki 4-ja, ale atrymali rekordnyja ŭ historyi konkursu 439 bałaŭ z 468 mahčymych ad hledačoŭ. Pryčym za Ukrainu ŭ hetaj demanstracyi salidarnaści hałasavali navat tradycyjna prarasijskija Sierbija i Armienija.
