Łatvija zabaraniła tranzit uzbrajeńniaŭ ź Biełarusi
Z 10 maja Łatvija prypyniła dziejańnie pahadnieńnia, jakoje dazvalała pramyja čyhunačnyja pieravozki vajskovych hruzaŭ ź Biełarusi ŭ trecija krainy praz łatvijskija party. Pra hetaje rašeńnie Ministerstva transpartu Łatvii paviedamlaje partał Delfi.
«Pahadnieńnie ab pramoj pieravozcy hruzaŭ vajskovaha pryznačeńnia čyhunačnym transpartam z Respubliki Biełaruś u trecija krainy z vykarystańniem partoŭ Łatvijskaj Respubliki pa rašeńni ŭrada było pryniataje 25 studzienia 1994 hoda, kali Łatvija jašče nie ŭstupiła ŭ Jeŭrasajuz.
Łatvija ŭstupiła ŭ ES 1 maja 2004-ha, a 29 sakavika taho ž hoda stała členam NATA. U suviazi z hetym Łatvija źviazanaja pravavymi normami hetych mižnarodnych arhanizacyj, i pahadnieńnie ź Biełaruśsiu nie adpaviadaje hetym praviłam. Taksama dziaržkiravańnie Łatvii ŭ cełym pierahladaje dvuchbakovyja adnosiny z Rasijaj i Biełaruśsiu ŭ kantekście vajny Rasii va Ukrainie», — adznačajecca ŭ zajavie Ministerstva transpartu.
