Novaja prezidentka Vienhryi asudziła ŭvarvańnie Rasii va Ukrainu. Jana z partyi Orbana

Katalin Novak padčas inaŭhuracyi na płoščy. Fota: Huszti István / Telex

Pavodle Telex, prezidentka vykazała staŭleńnie Budapiešta da rasijska-ŭkrainskaha kanfliktu ŭ dziesiaci tezach:

• My asudžajem pucinskuju ahresiju, uzbrojeny napad na suvierennuju dziaržavu.
• My nazaŭždy skažam «nie» ŭsim namahańniam adnavić Saviecki Sajuz.
• My, vienhry, chočam miru tut i ŭ susiednich krainach, my chočam miru, a nie vajny.
• My patrabujem rasśledavańnia i pakarańnia vajennych złačynstvaŭ.
• My nie niejtralnyja, my na baku niavinnych achviaraŭ i praŭdy. My vykonvajem svaje abaviazalnictvy ŭ ramkach ES i NATA, ale kali hetaha zapatrabujuć vienhierskija intaresy, my skažam nie.
• Ni pry jakich abstavinach my nie chočam admaŭlacca ad svajho suvierenitetu, za jaki nieadnarazova zmahalisia, i pastajanna raźvivajem našy abarončyja siły.
• My padtrymlivajem ustupleńnie Ukrainy ŭ Jeŭrapiejski Sajuz.
• My hatovyja achviaravać dziela miru i nie budziem pieraškadžać dapamozie našych sajuźnikaŭ, ale my nie pahodzimsia na rašeńni, jakija patrabujuć ad vienhraŭ bolš achviaraŭ, čym škody, jakuju jany nanosiać rasijskamu ahresaru.
• My radyja być pasiarednikam pamiž bakami vajny.
• My nastojvajem na zabieśpiačeńni pravoŭ vienhraŭ, jakija žyvuć va Ukrainie, jak raniej, tak i ciapier.

Vienhierski parłamient vybraŭ Katalin Novak na pasadu prezidenta 10 sakavika. Jana stała pieršaj žančynaj na hetaj pasadzie ŭ historyi krainy.

Novak uvachodzić u skład kirujučaj partyi Vienhryi «Fides», jakuju ŭznačalvaje premjer-ministr Viktar Orban. Raniej jana zajmała pasadu ministra pa spravach siamji.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

17

0

2

3

2

1