Jak vyhladaje pamiatny znak lotčykam-hierojam za tydzień da hadaviny krušeńnia samalota Jak-130 u Baranavičach
Amal hod prajšoŭ z momantu krušeńnia vajennaha samalota Jak-130 u Baranavičach. Tady zahinuli dva lotčyki lidskaj 116-j šturmavoj avijabazy: major Andrej Ničyporčyk i lejtenant Mikita Kukanienka. «Kamsamołka» raspaviała, što adbyvajecca za tydzień da hadaviny trahiedyi na vulicy Rozy Luksiemburh u Baranavičach, dzie ŭ 2021-m i ŭpaŭ Jak-130.
Krušeńnie adbyłosia 19 traŭnia 2021 hoda padčas navučalna-trenirovačnaha palotu. U pavietry vyjaviłasia niaspraŭnaść, i lotčyki nie stali katapultavacca, a, zhodna z aficyjnymi paviedamleńniami, apošnija siekundy patracili na toje, kab advieści samalot ad žyłych damoŭ.
Praź siem miesiacaŭ paśla trahiedyi, 17 śniežnia 2021 hoda, Alaksandr Łukašenka ŭ Pałacy Niezaležnaści ŭručyŭ zvańni Hieroja Biełarusi svajakam zahinułych Andreja Ničyporčyka i Mikity Kukanienki.
Na miescy krušeńnia samalota Jak-130 — pamiž žyłymi šmatpaviarchovymi damami 2B, 2H i 2D na vulicy Rozy Luksieburh u Baranavičach u žniŭni minułaha hoda vyrašyli ŭstalavać pamiatny znak. Na 12 maja pomnik jašče nie ŭstalavany: niama pakul siłuetu z dvuch žuraŭloŭ i samalota, jak na eskizie. Na pastamiencie miemaryjała pa-biełarusku napisana: «Nazaŭsiody ŭ mirnym niebie… major Andrej Ničyporčyk, lejtenant Mikita Kukanienka» pobač z proźviščami zahinułych lotčykaŭ namalavany znak «Hieroj Biełarusi».
Makiet pomnika. Fota: «Naš kraj»
Na pastamiencie stajać žyvyja narcysy, a taksama lažać u prazrystych pakietach miakkaja cacka i furažka lotčyka.
Pustku pamiž damami, kudy ŭpaŭ samalot Jak-130, razraŭnavali i zasiejali travoj, pa pierymietry pakul ‒ kałki i zaharoda z polietylenavaj stužki. Centr učastka — z pastamientam. Darožka da jaho vykładzieny plitkaj, stajać sadovyja łaŭki i urny dla śmiećcia, pasadžany niekalki dreŭ. Vizualna pustka pieratvaryŭsia ŭ svajho rodu skvieryk, centram jakoha i stanie pomnik lotčykam.
Dom, jaki začapili askiepki samalota, atynkavali
Novyja vulicy ŭ Baranavičach nazavuć u pamiać zahinułych lotčykaŭ. Adpaviednaje rašeńnie pryniali ŭ Baranavickim harsaviecie deputataŭ. Vulicy ŭ ich pamiać zjaviacca ŭ novym žyłym mikrarajonie «Anisimavičy-1».
«Dapamažy, Boža!» Źjaviłasia rasšyfroŭka, što kazali piłoty pierad krušeńniem samalota pad Baranavičami
