U Kijevie zasumniavalisia, ci varta mianiać «varožyja» nazvy stancyj mietro pochapkam
U Kijevie chacieli pamianiać nazvy stancyj mietro, źviazanych z varožymi krainami, u chutkim tempie, ale kiraŭnik «Rady pa urbanistycy Kijeva» Vital Sielik pierakanany, što z hetym nie treba śpiašacca, a varta pryciahnuć da abmierkavańnia šyrokaje koła ekśpiertaŭ. Siarod inšaha prablemy i ź pierajmienavańniem stancyi mietro «Minskaja», piša UNIAN.
Śpiecyjalisty ličać, što nazvy stancyj mietro pavinny być ciesna źviazany z nazvami vulic i abjektaŭ, jakija znachodziacca pablizu. U Kijevie jość Varšaŭski žyły masiŭ, adnak raźmieščany jon za 6 kiłamietraŭ ad hetaj stancyi mietro, u adroźnieńnie ad Minskaha, jaki znachodzicca pobač.
Jość prablemy i ź pierajmienavańniem stancyi «Płošča Lva Tałstoha». Urbanist adznačaje, što ŭ adpaviednaści ź dziejnym zakanadaŭstvam stancyju mietro možna nazyvać imiem čałavieka tolki tady, kali pobač jość adpaviedny hieahrafičny abjekt. Pobač sa stancyjaj «Płošča Lva Tałstoha» jość i sama płošča z takoj nazvaj. Tamu ŭ vypadku pierajmienavańnia stancyi mietro, pryjdziecca pieranazyvać i samu płošču.
«Dla taho, kab ich (stancyi mietro — red.) nazvać, treba pryciahvać šyrokaje koła ekśpiertaŭ. Nie tolki kijevaznaŭcaŭ abo historykaŭ, ale i jurystaŭ, fiłołahaŭ, mahčyma, navat paetaŭ i mastakoŭ. Kali rašeńniaŭ budzie dva ci try — tolki ŭ takim vypadku varta padavać ich na hałasavańnie haradžan», — kaža Sielik.
Pavodle jaho pierakanańnia, kali deputaty i prahałasujuć za pierajmienavańnie pa tych prapanovach, jakija ŭžo jość, to praz 2—3 hady ich pryjdziecca znoŭ mianiać, kab pryvieści ŭ adpaviednaść.
«Ciapier ekśpiertnaje koła ŭžo viadzie dyskusiju i z deputatami, jakija niepasredna buduć hałasavać, i z členami kamisii pa pierajmienavańni, kab pačaŭsia ekśpiertny praces i možna było padyści da kožnaj nazvy stancyi asobna», — adznačyŭ Sielik.
Raniej kijeŭskija ŭłady praviali apytańnie ab pierajmienavańni 5 stancyj mietro, źviazanymi z Rasijaj i Biełaruśsiu. Na dumku hramadzian, stancyja «Bieraściejskaja» ciapier pavinna nasić nazvu «Bučanskaja», «Płošča Lva Tałstoha» — «Vasila Stusa», «Hierojaŭ Dniapra» — «Hierojaŭ Ukrainy», «Minskaja» — «Varšaŭskaja», a «Družby narodaŭ» — «Bataničnaja».