Spyniłasia budaŭnictva na miescy byłoha Červieńskaha rynku ŭ Minsku. Časova ci ŭžo ŭsio?
Jašče ŭ lutym budaŭnictva handlova-zabaŭlalnaha centra na miescy byłoha Červieńskaha rynku išło badziora. Ciapier ža na abjekcie nie vidać rabočych, navat źjavilisia čutki, što «budoŭla — usio». U čym sprava, sprabavali vyśvietlić žurnalisty «Anłajniera».
U 20-ch čysłach lutaha na budplacoŭcy na skryžavańni vulic Aranskaj i Majakoŭskaha było niamała techniki, pracavali budaŭniki. Paśpieli vymalavacca dva ŭzroŭni budučaha TRC. Ciapier ža budoŭla zusim nie vyhladaje ažyŭlenaj: padjomnyja krany ŭ adnym i tym ža stanoviščy ŭžo paru tydniaŭ, varoty začynienyja, rabočych nie vidać.
Lutaŭski zdymak budplacoŭki. Fota Maksima Tarnalickaha
Płanavaŭsia handlovy centr na 30 tysiač «kvadrataŭ» z hipiermarkietam, kramami, dziciačym centram sa spartzałaj. Zabudoŭščyk terytoryi — TAA «Silvier kapitał» (niekalki hadoŭ tamu kampanija pierajšła va ŭłasnaść hrupy kampanij «RAPA»), hienpadradčyk — kampanija Trasko-Inwest.
Va ŭpraŭleńni architektury i budaŭnictva administracyi Leninskaha rajona Minska koratka raskazali, u čym sprava: «Na hetym abjekcie nierytmičnaje finansavańnie». Praściej kažučy, kali jość hrošy — tady i iduć raboty.
Jak rastłumačyli rajonnyja ŭłady, budaŭnictva moža spyniacca ŭ ramkach zakanadaŭstva: heta moža być prypynieńnie budaŭnictva (da troch miesiacaŭ) abo kansiervacyja (ad troch miesiacaŭ da troch hadoŭ).
«Pa hetamu budaŭnictvu pakul pytańnie kansiervacyi nie prahladajecca. Akta ab prypynieńni rabot taksama ŭ administracyju nie pastupała», — dadali tam.
Pa numarach hienpadradčyka i zabudoŭščyka kamientara pakul atrymać nie ŭdałosia.
Pa pašparcie abjekta raboty pavinny skončyć da červienia 2023 hoda.
