Łukašenka zajaviŭ, što Biełaruś stvaraje anałah «Iskanderaŭ»
Rasija dapamoža Biełarusi ŭ śfiery rakietnaj vytvorčaści, adpaviednyja damoŭlenaści dasiahnutyja na najvyšejšym uzroŭni, zajaviŭ na naradzie pa pytańni dziaržabaronzakazu Alaksandr Łukašenka.
Fota: AP
«Jak idzie raspracoŭka pierśpiektyŭnych uzoraŭ uzbrajeńnia, pierš za ŭsio rakietnaha? Ja premjer-ministru staviŭ adpaviednuju zadaču paśla apošniaj sustrečy na Dalokim Uschodzie z prezidentam Rasii. My ž stvarajem novuju rakietu. Rakietu vielmi efiektyŭnuju ŭzoru «Iskander» prykładna. I poŭnaja była padtrymka», — zajaviŭ Łukašenka.
«Pry mnie prezident pastaviŭ zadaču Dźmitryju Rahozinu nieadkładna akazać padtrymku, kab my nie stvarali viełasipied, kab my mahli zadziejničać vopyt raspracoŭščykaŭ, rakietčykaŭ Rasijskaj Fiederacyi, jakija rabili «Iskander». Heta maładyja chłopcy», — dadaŭ jon.
«Iskander» — rasijskija apieratyŭna-taktyčnyja rakietnyja kompleksy. Raspracavany navukova-vytvorčaj karparacyjaj «Kanstruktarskaje biuro mašynabudavańnia» ŭ horadzie Kałomnie Maskoŭskaj vobłaści. Asnoŭnaje pryznačeńnie rakietnych kompleksaŭ «Iskander» — źniščeńnie sistem SPA i SRA sapiernika, a taksama najvažniejšych abjektaŭ, jakija prykryvajucca imi, na dalečyni da 500 km.
